દુર્ઘટના:મોડાસાના ઝાલોદર નજીક 25 ફૂટ ઊંડા ખાડામાં કાર પલટ્યા બાદ સળગી, ચાલક કાચ તોડી નીકળી જતાં આબાદ બચાવ

મોડાસા-ગોધરા નેશનલ હાઇવે પર મોડાસાના ઝાલોદર પાસે રવિવાર રાત્રે કાર ચાલકે સ્ટિયરિંગ પરથી કાબૂ ગુમાવતાં કાર ડિવાઈડર તોડીને 25 ફૂટ ઊંડા ખાડામાં ખાબકી હતી. દરમિયાન ચાલકે સમય સૂચકતા વાપરીને કારનો કાચ તોડીને બહાર નીકળી જતાં આબાદ બચાવ થયો હતો. જોતજોતામાં કાર અગમ્ય કારણસર ભડભડ સળગી ઉઠી હતી. કાર ચાલક મોડાસા તાલુકાના માથાસુરીયાનો હોવાનું આધારભૂત સૂત્રોમાંથી જાણવા મળ્યું હતુ. }નવનીત મહેરા