ધરપકડ:ભિલોડા પોલીસ પર દારૂ ભરેલી કાર ચડાવી હત્યાનો પ્રયાસ કરનાર બુટલેગર ઝડપાયો

બે વર્ષ અગાઉ ભિલોડા પોલીસ પર વિદેશી દારૂ ભરેલી કાર ચડાવીને હત્યાનો પ્રયાસ કરનાર બુટલેગરને મોડાસાના ગાજણ ટોલ નાકા પાસેથી એલસીબીએ ઝડપી લીધો હતો. ભિલોડા પોલીસ 2019માં બાતમી આધારે વિદેશી દારૂ ભરીને આવતી કારને રોકવા ઉભી હતી. તે દરમિયાન ત્યાંથી પસાર થતાં કારના ચાલકે પોલીસ પર જીવલેણ હુમલો કરી ખૂન કરવાનો પ્રયાસ કરતાં કાર ડાલા સાથે ટકરાઇ હતી.

બાદમાં કાર વૃક્ષ સાથે ટકરાયા બાદ ખાડામાં ખાબકતા બુટલેગર ચાલક પ્રકાશચંદ્ર ચંદુલાલ જીવન પ્રકાશ ડોડીયાર રહે. કણબઇ તા. ખેરવાડા ભાગી છૂટ્યો હતો. એલસીબીના આર.કે. પરમારને ઉપરોક્ત આરોપી શામળાજી થી મોડાસા આવવાનો હોવાની બાતમી આધારે એલસીબીએમોડાસાના ગાજણ ટોલ નાકા પર વોચ ગોઠવી પોલીસે મંગળવારે ઝડપ્યો હતો