કોરોના બેકાબૂ:અરવલ્લીમાં બે દિવસમાં કોરોનાના વધુ 6 કેસ

મોડાસા શહેર અને ગ્રામ્ય વિસ્તારના બે દિવસમાં કોરોના પોઝિટિવના વધુ 6 કેસ નોંધાતાં કુલ આંક 733 પહોંચી છે. મોડાસા શહેરના નંદનવન સોસાયટીમાં રહેતાં પુરુષ અને શ્રીનગર સોસાયટીમાં રહેતા પુરુષ તેમજ શહેરની ગીતાંજલી સોસાયટીમાં રહેતા પુરુષ અને મોડાસા શહેરીમાં રહેતા પુરુષ, મોડાસાના ભવાનીપુરા કંપામાં પટેલ ફરીમાં રહેતી મહિલા અને તેમજ ભિલોડાના જૂની પોસ્ટ ઓફિસ વિસ્તારમાં રહેતા પુરુષનો રિપોર્ટ કોરોના પોઝિટિવ આવ્યો હતો.

12 દર્દીઓ સાજા થયા
મોડાસાની સાર્વજનિક હોસ્પિટલમાં સારવાર લઈ રહેલા 1 પુરુષ અને 6 મહિલા તેમજ બાયડની વાત્રક જનરલ હોસ્પિટલમાં સારવાર લઈ રહેલા 1 પુરુષ અને 2 મહિલા તેમજ અમદાવાદની હોસ્પિટલમાં સારવાર લઈ રહેલા 2 પુરુષ સહિત કોરોના પોઝિટિવના 12 સાજા થતા તેમને રજા આપવામાં આવી હતી.