કોરોના મહામારી:અરવલ્લીમાં કોરોનાના 6 કેસ, પાંચ દર્દીઓ ડિસ્ચાર્જ

મોડાસા શહેરમાં 2, મોડાસા ગામ વિસ્તારમાં 1, ભિલોડા તાલુકામાં 1, માલપુર તાલુકામાં 1 અને ધનસુરા તાલુકામાં 1 દર્દીને કોરોના થતાં સારવારમાં ખસેડાયા હતા. સારવાર લઈ રહેલા ચાર પુરુષ અને મહિલાએ કોરોનાને હરાવતાં રજા અપાઇ હતી.

મોડાસા શહેરના જુદા જુદા વિસ્તારોમાં રહેતા બે પુરુષ, તાલુકાના ગ્રામ્ય વિસ્તારનો પુરુષ, ભિલોડા તાલુકાના ગામ વિસ્તારનો પુરુષ, માલપુર તાલુકાના ગ્રામ્ય વિસ્તારનો પુરુષ અને ધનસુરા તાલુકાનો પુરુષ બે દિવસ અગાઉ બીમારીમાં સપડાતાં મેડિકલ ટેસ્ટ કરાતાં છ દર્દીઓને કોરોના પોઝિટિવ રિપોર્ટ આવતાં સારવાર હેઠળ ખસેડાયા હતા. પરિણામે જિલ્લામાં કોરોના પોઝિટિવ દર્દીઓની સંખ્યા 727 પહોંચી છે.

મોડાસાની સાર્વજનિક હોસ્પિટલમાં સારવાર લઈ રહેલા બે પુરુષ, મહિલા, બાયડ ની વાત્રક જનરલ હોસ્પિટલમાં બે પુરુષ સાજા થતાં તેમને હોસ્પિટલમાંથી રજા આપવામાં આવી હતી. જિલ્લામાં અત્યાર સુધી કોરોનાના 614 દર્દીઓની સારવાર પૂર્ણ થતાં તેમને ડિસ્ચાર્જ કરવામાં આવ્યા હતા.