કાર્યવાહી:મેઘરજમાં અમદાવાદના ચાલકે કારના સ્ટંટ કરતા લોકોના જીવ તાળવે ચોંટ્યા,પોલીસે પીછો કરી ચાલકને પકડી ગાડી ડીટેઈન કરી

અરવલ્લી જીલ્લાના મેઘરજમાં બાઈક રેસરો અને પુરઝડપે કાર ચલાવી કારમાં સ્ટંટ કરનાર અસામાજીક તત્વોનો ત્રાસ દીનપ્રતિદિન વધતા નગરજમાં દહેશતનો માહોલ ફેલાયો છે ત્યારે સોમવારના રોજ નવા બસ સ્ટેન્ડ વિસ્તારમાં અમદાવાદ પાર્સિગની કાર ચાલકે બે-ત્રણ ચક્કર લગાવી પુરઝડપે કાર હંકારી ભયનો માહાલ સર્જયો હતો. રાહદારીઓએ અડફેટ લેવાનો પ્રયાસ કરતા રાહદારીઓએ સમયસુચકતા વાપરી પોતાનો જીવ બચાવ્યો હતો. મેઘરજ પોલીસને જાણ કરતા ટ્રાફિક જમાદારે કાર ચાલકનો પીછો કરી પુરઝડપે કાર હંકારનાર ચાલકને ઝડપી પાડી ગાડી ડીટેઇન કરી ચાલક સામે કાયદેસરની કાર્યવાહી કરી જેલ હવાલે કર્યો હતો.