વિરોધ:બાંઠીવાડાના હરિજનવાસમાં પાણી-રસ્તા મુદ્દે ચૂંટણી બહિષ્કારની ચીમકી

મેઘરજના બાંઠીવાડાના હરિજનવાસની મહિલાઓ રસ્તો અને પાણી સહિત પાયાની સુવિધાઓ ના ઉકેલ માટે સ્થાનિક સ્વરાજની ચૂંટણીનો બહિષ્કારનો નિર્ણય કરી બેઠેલા મતદાર મહિલાઓ રોષે ભરાઈ હતી અને પાણી અને રસ્તો નહીં તો વોટ નહીના સૂત્રોચ્ચાર કર્યા હતા. રોષે ભરાયેલી મહિલાઓએ માટલા ફોડી તંત્ર સામે વિરોધ દર્શાવ્યો હતો.

ગુરૂવારે બાંઠીવાડાના હરિજન વાસમાં વસતા 70 જેટલા પરિવારોની મહિલાઓ ગામમાં એકત્રીત થઇ રોડ નહી તો વોટ નહી પાણી નહીં તો વોટ નહીંના નારા લગાવ્યા હતા અને રોષે ભરાયેલી મહિલાઓએ માટલા ફોડી તંત્ર સામે વિરોધ દર્શાવ્યો હતો.