ધરપકડ:મેઘરજની ઉન્ડવા ચેકપોસ્ટેથી રાત્રે 63 હજારનો દારૂ પકડાયો

રાજસ્થાન બોર્ડરને અડીને આવેલ મેઘરજની ઉન્ડવા ચેકપોસ્ટેથી મેઘરજ પોલીસે રાત્રે કારમાંથી રૂ.63400 ના વિદેશી દારૂ સહિત રૂ.5,73,400ના મુદ્દામાલ સાથે બે રાજસ્થાનીને ઝડપી લીધા હતા.

મેઘરજ પોલીસે રાજસ્થાન સીમલવાડા તરફથી આવતી ઈનોવામાં તપાસ કરતાં કિં.63400 નો વિદેશી દારૂ, બે મોબાઈલ કિં. 8000 તથા રોકડ 2000, કાર નંબર RJ27 TB 0086 મળી કુલ રૂ.5,73,400 ના મુદ્દામાલ સાથે ઝડપાયેલ સમ્પત હીરાલાલ કુમાવત રહે.સેલા ગુડા,તા.નાથદ્વારા,જી.રાજસમંદ(રાજસ્થાન)તથા માંગીલાલ શ્યામલાલ કુમાવત રહે.આરવાડા રાજસમંદ રાજસ્થાન સામે મેઘરજ પી.આઈ.જે.પી.ભરવાડે બંને સામે ધી ગુજરાત પ્રોહિબીશન એક્ટ હેઠળ ગુનો નોંધી આગળની વધુ તપાસ હાથ ધરી છે.