કાર્યવાહી:ધનસુરાની સીમમાં ખેતરમાંથી ચોરેલી મોટર સાથે બે પકડાયા

ધનસુરાની સીમમાં ખેતરમાંથી તાજેતરમાં ચોરાયેલા બે મોટર સાથે ધનસુરા પોલીસે બાયડ તાલુકાના બે ચોરોને પકડી લઇ આગળની કાર્યવાહી હાથ ધરી હતી. ધનસુરાની સીમમાં ખેતરમાંથી ચોરેલી મોટર સાથે બે ચોરોને પોલીસે પકડી લીધા હતા.

ધનસુરાના નરેન્દ્રભાઈ રમણભાઈ પંચાલના ખેતરમાં આવેલ બોરકૂવામાં ઉતારેલ સબમર્શીબલ મોટર અને કેબલ વાયર જેની કિં. 16હજાર જે ચોરાઇ જતાં આ બાબતે ફરિયાદ નોંધાઈ હતી. ધનસુરા પોલીસે ધનસુરા પી.એસ.આઈ બી.એસ.ચૌહાણ ના માર્ગદર્શન હેઠળ ગણતરીના કલાકોમાં મોટર ચોરનાર કનુસિંહ કાળુંસિંહ ચાવડા (32) અને અરવિંદસિંહ જયંતિસિંહ ચાવડા (30) બંને રહે.બોરવાડા તા. બાયડને મુદ્દામાલ સાથે ઝડપી પાડી કાયદેસરની કાર્યવાહી હાથ ધરી હતી.