અકસ્માત:ભિલોડા-મુડેટી વચ્ચે બાઇક સ્લીપ થતાં ચાલકનું મોત થયું

ભિલોડાના વાંકાનેર છાપરાનો યુવક અને તેનો મિત્ર બાઇક લઇને આવી રહ્યા હતા. ત્યારે ભિલોડા-મુડેટી વચ્ચે બાઇક સ્લીપ થતાં યુવકનું મોત થયું હતું. જ્યારે બાઇકસવાર યુવક ઘાયલ થયો હતો. ભિલોડાના વાંકાનેર છાપરાનો હિરેન ચંદુભાઈ બરંડા (21) બાઈક લઈ તેના મિત્ર રોનીશ ચેતનભાઈ ગામેતી સાથે કામકાજ અર્થે ગયો હતો.

ત્યારબાદ કામગીરી પૂર્ણ કરીને સાંજે ઘર તરફ આવી રહ્યા હતા. તે દરમિયાન ભિલોડા અને મૂડેટી વચ્ચે વળાંકમાં બાઈક સ્લીપ થઈ જતાં રોડ નજીક ગરનાળા સાથે અથડાતાં હિરેન અને રોનીશ પટકાતાં બાઈક ચાલક હિરેનના માથાના ભાગે ગંભીર ઇજાઓ પહોંચતા ઘટનાસ્થળે જ મોત થયું હતું. જ્યારે રોનીશના શરીરે ઈજાઓ પહોંચતા દોડી આવેલ લોકોએ સારવાર અર્થે ખસેડ્યો હતો. પોલીસે આગળની કાર્યવાહી કરી હતી.