નિર્ણય:તકેદારી રૂપે આજથી રવિવાર સુધી વિજયનગરના બજારો શટડાઉન

વિજયનગર મામલતદારની અધ્યક્ષતામાં મળેલી વિજયનગર વેપારી મહામંડળ ની કારોબારી મિટિંગમાં આજથી રવિવાર સુધી દવા અને દૂધની દુકાનોને છોડી તમામ દુકાનો બંધ રાખવાનો નિર્ણય કરાયો હતો.  કોરોના મહામારીના વધી રહેલા સંક્રમણને અટકાવવા મંગળવાર થી રવિવાર છ દિવસ દુકાનો સંપૂર્ણ પણે બંધ રાખવા માટે વિજયનગર મામલતદાર પીજી ચૌહાણની અધ્યક્ષતામાં અને વેપારી મહામંડળના અધ્યક્ષ દેવેન્દ્રકુમાર શાહ  ની ઉપસ્થિતિમાં મળેલી વિજયનગર વેપારી મહામંડળની કારોબારી મિટિંગમાં દવા અને દૂધની દુકાનોને છોડી તમામ દુકાનો બંધ રાખવાનો નિર્ણય કરવામાં આવ્યો હતો.દૂધ અને દવાની દુકાનો જ માત્ર ખુલ્લી રાખી શકાશે.