ધાર્મિક:વિજાપુરમાં મૂનિરાજ શ્રી શાંતિસાગર મ.સા. 80 વર્ષની વયે કાળધર્મ પામ્યા

યોગનિષ્ઠ આચાર્ય ભગવંત શ્રીમદ્ બુદ્ધિસાગરસૂરિશ્ચરજી મહારાજા ગચ્છાધિપતિ આચાર્ય ભગવંત શ્રીમદ્ સુબોધસાગરસૂરિશ્ચરજી મહારાજાના સમુદાયવર્તી સાત કરોડ નવકારમંત્ર ચાર લાખ લોગસ્સના જાપના આરાધક તપાગચ્છાધિપતિ આચાર્ય ભગવંત શ્રીમદ્ મનોહરકીર્તિસાગરસૂરિશ્ચરજી મહારાજાના વયોવૃદ્ધ શિષ્યરત્ન સરળ સ્વભાવી પૂજ્ય મૂનિરાજ શ્રી શાંતિસાગર મહારાજ સાહેબ સોમવારે 80 વર્ષની વયે સંયમકાળના 55 વર્ષે શ્રીમદ્ બુદ્ધિસાગરસૂરિ જૈન સમાધિ મંદિર શ્રી સ્ફૂલિંગ પાર્શ્ચનાથ જૈનતીર્થ વિજાપુર ખાતે સમાધિપૂર્વક કાળધર્મ પામ્યા છે. તેઓની પાલખી બપોરે 2 વાગે કાઢવામાં આવી હતી. પૂજ્યશ્રીનો જન્મ ઉદેપુરના મેવાડમાં થયો હતો.મુનિરાજ કાળધર્મ પામતાં જૈન સમુદાયમાં શોક છવાયો હતો.