હાલાકી:વાવ,ઢીમામાંથી 106 શ્રમિકોને વતન મોકલ્યા

વાવ તાલુકાના ઢીમા ગામે ઇંટના ભઠ્ઠામાં મજૂરી કરતા યુ.પી.ના 98 અને વાવમાંથી અન્ય 8 મળી કુલ 106 શ્રમિકોને ચાર એસટી બસો દ્વારા પાલનપુર ખાતે મુકવામાં આવ્યા હતા. એક શ્રમિકે જણાવ્યું હતું કે ‘અમે પાંચ લોકો સોલાર પ્લાન્ટમાં કામ કરીએ છીએ. લોકડાઉન ખતમ થશે અમે પાછા આવીશું. કુલ 164 યુ.પી.ના લોકો હતા તેમાં 16 લોકો બાઇક પર વતન જતા રહ્યા હતા. જ્યારે એક ટ્રક ભરી જતા રહ્યા છે. હવે બિહાર, પં.બંગાળ, તમિલનાડુના લોકો છે. વાવ માર્કેટયાર્ડમાંથી રાજસ્થાનના 60 શ્રમિકો લોકડાઉનમાં વતન જતા રહેલ હોઇ વેપારીઓ હાલાકી ભોગવી રહ્યા છે. વાવ તેમજ રાધાનેસડામાં સોલાર પ્લાન્ટમાં અમુક શ્રમિકો હાજર છે ને કામ કરી રહ્યા છે.