મહામારી:SRPFના ઉમેદવારોને ઓર્ડર આપવા વાવ ધારાસભ્યની રજૂઆત

વર્ષ 2016-2017 એસઆરપીએફ વેઈટીંગના સિલેકટેડ 1167 ઉમેદવારોને તાત્કાલિક ઓર્ડર આપવામાં આવે તેવી વાવના ધારાસભ્ય ગેનીબેન ઠાકોરે મુખ્યમંત્રી વિજયભાઈ રૂપાણીને ઇમેલથી પત્ર લખી માંગણી કરી છે. વાવના ધારાસભ્ય ગેનીબેન ઠાકોરે પત્રમાં જણાવ્યું હતું કે 20 ટકા વેઈટીંગ લિસ્ટ આપવામાં આવ્યું હતું. આ લિસ્ટને આજદિન સુધી ઓપરેટ કરવામાં આવ્યું નથી. આ લિસ્ટમાં બાકી રહેલા ઉમેદવારો ગરીબ અને મધ્યમ પરિવારમાંથી આવે છે. હાલ બેરોજગાર બેઠા છે. કોરાનાની મહામારી સામે ગુજરાતની જનતા ઝઝુમી રહી છે.