ધસારો:વડનગરમાં બપોર બાદ લોકોની અવરજવર બંધથી બજાર સુમસામ

વડનગરમાં કોરોના વચ્ચે બપોર બાદ લોકડાઉનનો ચુસ્ત અમલ થઈ રહ્યો છે. બપોર બાદ લોકો જ ખરીદી કરવા ન આવતાં બજાર સુમસામ ભાસી રહ્યું છે. વેપારીઓ પણ ગ્રાહકો ન આવતા આરામ ફરમાવતા નજરે પડ્યા હતા. બુધવારે મોલીપુરમાં વધુ એક કેસ નોંધાયા બાદ સવારે લોકોનો ધસારો ઓછો જોવા મળ્યો હતો. લોકો જરૂર વિનાની ખરીદી પણ ટાળી રહ્યા છે. તો કેટલાક વેપારીઓ બપોર બાદ દુકાનના શટર પણ પાડી દે છે. કારણ વિના ફરવા નીકળતા લોકો સામે પોલીસ દંડ ફટકારતાં ધસારો ઓછો થયો છે.