FISS એસોસિયનની વાર્ષિક મિટિંગ યોજાઈ:મુંબઈ ખાતે યોજાયેલી મિટિંગમાં ઊંઝા APMCના ચેરમેન દિનેશ પટેલનું સન્માન કરવામાં આવ્યું

મુંબઈ ખાતે તાજેતરમાં 3 અને 4 માર્ચના રોજ મુંબઈ ખાતે FISS એસોસિયન દ્વારા વાર્ષિક મિટિંગ યોજાઈ હતી. જેમાં ઊંઝા, રાજકોટ, રાજસ્થાન, મધ્યપ્રદેશ, દિલ્હી, ગુજરાત સહિતના વેપારીઓ આ મિટિંગમાં હાજર રહ્યા હતા. જો કે સો પ્રથમવાર ચાઇનીસ અને ઇજિપ્ત દેશોના વેપારીઓ પણ મિટિંગમાં હાજર રહ્યા હતા.

આગામી દિવસોમાં જીરું, વરિયાળી, મેથી, ધનિયાનું આગામી વર્ષ કેટલું ઉત્પાદન થશે તેનો કોરપ સર્વ રજૂ કરવામાં આવ્યો હતો. આગામી વર્ષમાં 70 લાખ બોરી જીરું બજારમાં આવવાની શક્યતાઓ જોવામાં આવી રહી છે. આગામી દિવસોમાં 20 લાખ બોરી વરિયાળી આવવાની શક્યતાઓ. આગામી દિવસોમાં 1 કરોડ 62 લાખ બોરી ધાણા આવવાની શક્યતાઓ. આ વર્ષે ગત વર્ષ કરતાં જીરું અને વરિયાળી, ધાણાના પાકમાં વધારો નોંધાયો છે. આગામી દિવસોમાં 17.50 લાખ બોરી મેથી આવવાની શક્યતાઓ છે. ગત વર્ષે કરતાં આ વર્ષે મેથીના પાકમાં ધટાડો નોંધાયો છે.

આ મિટિંગમાં FISS ના નવા પ્રમુખ તરીકે અશ્વિન નાયકની નિમણુંક કરવામાં આવી હતી. મિટિંગમાં મસાલાના એક્સપોર્ટર, વેપારીઓને સન્માનિત કરવામાં આવ્યા હતા. આ કાર્યક્રમમાં ઊંઝા APMC મુખ્ય સ્પોન્સર રહ્યું હતું. ઊંઝા માર્કેટયાર્ડની સૌથી વધારે નિકાસ થાય છે. વિસ્તારમાંથી આવેલા અનુભવી નિકાસકારોના અનુભવ પ્રાપ્ત થયા હતા.