પરીક્ષા:એમસીક્યુ પ્રશ્નપત્ર દ્વારા વિદ્યાર્થીઓ ઘરે બેઠાં 2 કલાક સુધી જવાબ લખી શકશે

સિધ્ધપુર સ્થિત ગોકુલ ગ્લોબલ યુનિવર્સિટી દ્વારા કોરોનાની મુશ્કેલીઓ વચ્ચે વિધાર્થીઓના હિતમાં ઓનલાઈન પરીક્ષા લેવાનો નિર્ણય લીધો છે . ગોકુલ ગ્લોબલ યુનિવર્સિટીએ વિવિધ કોલેજના પ્રાધ્યાપકો દ્વારા અલગ અલગ વિષયના 300 થી વધુ વીડિયો લેક્ચર બનાવીને વિધાર્થીઓ સુધી પહોંચાડ્યા હતા . વિવિધ વિષયોની નોટ અને ક્વેશ્ચન બેંક પણ તૈયાર કરાઇ છે. આ સિવાય ઓનલાઈન ક્લાસ પણ લેવાયા હતા . પોતાની યુનિવર્સિટીના વિધાર્થીઓનો સમય ન બગડે તેમજ સમયસર પરીક્ષા લેવાઈને પરીણામો જાહેર થાય તે માટે ગોકુલ ગ્લોબલ યુનિવર્સિટી દ્વારા ઓનલાઈન પરીક્ષા લેવાનો નિર્ણય લીધો છે. આ પરિસ્થિતિમાં આ પ્રકારે વિધાર્થીઓના હિતમાં નિર્ણય લેનાર ગોકુલ ગ્લોબલ યુનિવર્સિટીએ રાજ્યની સૌ પ્રથમ યુનિવર્સિટી છે. ઓનલાઈન પરીક્ષામાં વિધાર્થી પોતાના ઘરેથી જ કોમ્યુટર કે મોબાઈલના ઉપયોગ દ્વારા પરીક્ષા આપી શકશે. દરરોજ માત્ર એક જ વિષયના એમસીક્યુ પ્રશ્નપત્ર રહેશે. જે પ્રશ્નપત્રના જવાબ વિધાર્થી 2 કલાક સુધીના સમય દરમિયાન આપી શકશે . કોઈ વિષમ પરિસ્થિતિમાં કોઈ વિધાર્થી ઓનલાઈન પરીક્ષા ન આપી શકે, તો તેવા વિધાર્થીઓ માટે બધી પરિસ્થિતિ સામાન્ય થઈ જશે અને શૈક્ષણિક સંસ્થાઓ કાર્યરત કરવા અંગે સરકારની મંજુરી મળશે. ત્યારે યુનિવર્સિટી પરીક્ષા લેવામાં આવશે .