આપઘાત:સાલમબાપુના પહાડીયાની મહિલાએ સાસરિયાંના ત્રાસથી નદીમાં ઝપલાવ્યું

માલપુરના સાલમબાપુના પહાડિયા ગામની મહિલાને સાસરિયા વાળા માનસિક-શારીરિક ત્રાસ આપતા હતા,અંતે મહિલાને ત્રાસ સહન ન થતાં વાત્રક નદીના પાણીમાં મોતની છલાંગ લગાવી આપઘાત કર્યો હતો. માલપુરના સાલમ બાપૂ ના પહાડીયા (તલાવડી) ગામની ઉષાબેન બારિયા ઉં.વર્ષ 31ના લગ્ન દસ વર્ષ અગાઉ કનુભાઇ બારીયા સાથે થયા હતા. પરંતુ છેલ્લા 8 મહિનાથી તેનો પતિ અન્ય યુવતી સાથે આડા સંબંધ હોઈ પત્ની ઠપકો આપતા, તેનો પતિ ઉશ્કેરાઈ જતો મદદગારીમાં સસરા અને સાસુએ ભેગા મળી મહિલાને અવાર નવાર અપશબ્દો બોલી મારજુડ કરતા હતા. વારંવાર મારી નાખવાની ધમકીઓ આપતા છેવટે આ પગલુ ભર્યુ હતુ.