ચોરી:મહેસાણામાં દીકરીની સગાઈની કામગીરી પતાવ્યા બાદ પિતાની ગાડી ઘર આંગણેથી ચોરાઈ

મહેસાણાની આમ્રપાલી સોસાયટીમાં રાત્રી દરમિયાન ઘર આંગણેથી ગાડી ચોરાવાની ઘટના સામે આવી છે. જેમાં સામાજિક પ્રસંગ પતાવીને ગાડી ઘરના આંગણે મૂકી હતી. ત્યાર બાદ વહેલી સવારે ગાડી ચોરાઈ ગયા હોવાની ખબર પડતા પોલીસ ફરિયાદ નોંધાઈ હતી.

મહેસાણા શહેરમાં સોમનાથ ચોકડી પાસે આવેલ આમ્રપાલી સોસાયટીમાં રહેતા મહેન્દ્ર પરમારના ઘરે સામાજિક પ્રસંગ પતાવ્યા બાદ રાત્રી દરમિયાન ઘર આંગણે થી ગાડીની ચોરી થઈ હોવાનું સામે આવ્યું હતું. બે દીકરીઓ જેમાંથી એકની સગાઈ અને બીજી દીકરીના જિયારાનો પ્રસંગ પતાવીને મહેન્દ્રએ તેમની ઇકો ગાડી ઘરના આંગણે મૂકી હતી. ત્યારબાદ વહેલી સવારે ગાડી નજરે ના પાડતા આજુબાજુમાં તપાસ કરી હતી. ત્યારબાદ ગાડી ના મળતા અજાણ્યા ઈસમો ગાડી ચોરી ગયા હોવાનું જાણવા મળ્યું હતુ. જેથી ગાડી ચાલકે અજાણ્યા ઈસમો સામે ગાડી ચોરી થયાની ફરિયાદ મહેસાણા એ ડીવીઝન મથકમાં નોંધાવી હતી.