આપઘાતનો પ્રયાસ:માતા બીમાર રહેતાં 15 વર્ષની પુત્રીએ ઝેરી દવા પીધી

કડી તાલુકાના ડાંગરવાની 15 વર્ષની કિશોરીએ બે વર્ષથી બીમાર રહેતી માતાની બીમારી જોઇ ન જતાં ઝેરી દવા પી આપઘાતનો પ્રયાસ કર્યો હતો. ગંભીર હાલતમાં કિશોરીને સારવાર માટે મહેસાણા લવાઇ હતી.

ડાંગરવાની 15 વર્ષની આરતીની માતાને પેટમાં દુ:ખાવાની ફરિયાદ હતી અને છેલ્લા 2 વર્ષથી તે બીમાર હોવાની તેણીના મગજમાં મોટી અસર ઉભી થઇ હતી. માતાની તબિયતના સુધારા બાબતે ચિંતામાં રહેતી કિશોરીએ ઘરમાં ઝેરી દવા પી આપઘાતનો પ્રયાસ કર્યો હતો. ઉલ્ટી અને ચક્કરની ફરિયાદ વચ્ચે કિશોરીએ દવા પીધી હોવાનું કહેતા જ મહેસાણાની લાયન્સ હોસ્પિટલમાં લવાયા બાદ સિવિલમા ટ્રાન્સફર કરાઇ હતી. હોસ્પિટલના બિછાણે કિશોરી માતાનું માત્ર નામ સાંભળીને રડી પડે છે.કિશોરીને કોઇના તરફ ફરિયાદ ન હોઇ સિવિલ પોલીસના કાનજીભાઇએ આ સંબંધે રિપોર્ટ કર્યો હતો.