દીપાવલી તહેવાર:મહેસાણા શહેરનાં મંદિરો દીપાવલીના તહેવારને લઈ મનમોહક રોશનીથી ઝળહળ્યાં

દિપાવલીના તહેવારોમાં મહેસાણા શહેરના પરા વિસ્તારના નવા પરાની 4 ઓળ, જૂના પરાની 4 ઓળ અને ઊંડીફળી સહિતના વિસ્તારો દર વર્ષની જેમ આ વર્ષે પણ ઝગમગતી લાઇટોથી ઝળહળી ઉઠ્યો હતો.

છેલ્લા બે દાયકાથી વધુ સમયથી આ વિસ્તારમાં વાઘબારસથી ભાઇ બીજ સુધી રોશની કરવામાં આવે છે. મહેસાણા શહેરના મુખ્ય હાઇવે પર આવેલા ગાયત્રી મંદિરને રંગેબેરંગી રોશનીથી ઝળહળતું કરાયું છે.

રોશનીથી ઝગમગતું મંદિર આકર્ષણનું કેન્દ્ર બન્યું છે. હાઈવે પરથી પસાર થતા લોકોએ રોશનીનો નજારો નિહાળ્યો હતો.