નિર્ણય:રાજ્યમાં માત્ર વડનગરના સુંઢિયાની ડ્રોન ફ્લાય ગ્રીનઝોન વિસ્તાર તરીકે પસંદગી

ભારત સરકારના મિનિસ્ટ્રી ઓફ સિવિલ એવીએશનના એસડીઆઇટી ડિવિઝન દ્વારા ડ્રોન ફ્લાય માટે દેશના 10 રાજ્યોમાંથી 26 ગ્રીનઝોન પસંદ કરાયા છે. જેમાં ગુજરાતમાંથી માત્ર વડનગર તાલુકાના સુંઢિયા ગામને પસંદ કરાયું છે. આ વિસ્તારમાં હવે કોઇપણ પ્રકારની પરવાનગી વગર ડ્રોનની તાલીમ અને વિવિધ પ્રકારના પરિક્ષણો કરી શકાશે તેમ શ્રેય ડ્રોન એકસ્પર્ટ તથા પ્રાઈમ યુએવીના ફાઉન્ડર પ્રદિપ પટેલ અને હિતેન પટેલે જણાવ્યું હતું. સુંઢિયામાં ડિઝિટલ સ્કાય પ્લેટફોર્મ પર રજીસ્ટ્રર થયેલા ડ્રોન કોઇપણ પરવાનગી વગર હવે ડ્રોન ફ્લાય કરી શકાશે. ડ્રોન ફ્લાયની તાલીમ સાથે વિવિધ પ્રકારના ટેસ્ટીંગ આ વિસ્તારમાં થશે. એટલુ જ નહીં પરંતુ રાજ્યભરના રજીસ્ટ્રર ડ્રોન માલિકો અહીં આવશે.