પ્રામાણીકતા:બસમાં રહી ગયેલા મુસાફરના રૂપિયા 90 હજાર પરત આપ્યા

બેચરાજી-મહેસાણા બસના ડ્રાઈવર કમ કંડક્ટરે બસમાં રહી ગયેલા મુસાફરના નાણાં પરત કરી પ્રામાણીકતા દાખવી છે. બહુચરાજીથી મહેસાણા બસ નંબર જીજે 18 ઝેડ 1010માં મુસાફરી દરમિયાન કોઈ મુસાફરના રૂપિયા 90 હજાર બસમાં જ રહી ગયા હતા.

રૂપિયા 2000ની દરની નોટો પર બસના ચાલક શોભાસણના પટેલ પ્રકાશભાઈ એસ.ની નજર પડતાં આ રૂપિયા સલામત રીતે તેમની પાસે રાખ્યા હતા અને રૂપિયા ભુલી જનારા મુસાફરની તપાસ કરી હતી. જ્યાં આ રૂપિયાના સાચા હક્કદાર મળી આવતાં આ મોટી રકમ તેમને પરત કરી હતી. ડ્રાઈવરની પ્રામાણિકતાને ડેપોમાં હાજર સૌએ વધાવી હતી.