વાતાવરણ:ઉત્તર ગુજરાતમાં 9 થી 11 ફેબ્રુઆરી દરમિયાન માવઠાની શક્યતા

છેલ્લા 24 કલાકથી ઉત્તર ગુજરાતમાં ઉત્તરના ઠંડા પવન ફૂંકાવાનું શરૂ થતાં શનિવારે પાંચેય શહેરોમાં ઠંડી અડધો ડિગ્રી સુધી વધી 12 ડિગ્રીથી નીચે આવતાં વાતાવરણ ઠંડુગાર રહ્યું હતું. દિવસ દરમિયાન તાપમાન 28.1 થી 29.6 ડિગ્રીની વચ્ચે રહ્યું હતું. હવામાન વિભાગ મુજબ, આગામી 48 કલાક ઠંડીની સ્થિતિ યથાવત રહેશે. તા.9 ફેબ્રુઆરીથી વાતાવરણમાં પલટો આવવાની પ્રબળ શક્યતા હોઇ વાતાવરણ વાદળછાયું રહેશે. 11 ફેબ્રુઆરી સુધીના સતત 3 દિવસ ઉ.ગુજરાત વાદળછાયું બની રહેશે. આ દરમિયાન છુટાછવાયા વિસ્તારોમાં માવઠું થવાની શક્યતા પણ છે.