વેરો:મહેસાણા પાલિકામાં આ વર્ષે મિલકતદારોએ રૂ.21.26 કરોડ પૈકી રૂ. 11.21 કરોડ વેરો ભર્યો

મહેસાણા શહેરમાં રહેણાંક, કોમર્શિયલ મળી 85 હજાર મિલકતદારો પાસેથી નગરપાલિકાએ કુલ રૂ.21.26 કરોડ વેરો વસૂલવાનો નીકળે છે. જે પૈકી અત્યાર સુધી 68 હજાર જેટલા મિલકતદારોને માગણા બિલ મોકલી અપાયા છે. 8 ડિસેમ્બરની સ્થિતિએ રૂ.11.21 કરોડ વેરો જમા થયો છે.

એટલે કે, હજુ ચાલુ વર્ષનો રૂ.8.24 કરોડ વેરો વસુલવાનો બાકી છે. વોર્ડ નં.3 અને 1માં હજુ માંગણા બિલ ઇસ્યુ કરાયા નથી, જે 17 ડિસેમ્બર પછી બિલ મળ્યે વેરાની આવક વધશે. પાછલા વર્ષોની બાકી રકમ નહીં ભરનાર સહિત ઉદાસીન બાકીદારોની મિલકત સીલ કરવાની કવાયત પણ નગરપાલિકાએ શરૂ કરી છે.

શહેરમાં પાલિકાની ચાલુ વર્ષ અને પાછલા વર્ષની વેરા ડિમાન્ડ અને આવક