ફેમિલી પ્લાનિંગ:ઉત્તર ગુજરાતની 69251 મહિલા સામે માત્ર 26 પુરૂષોએ જ નસબંધી કરાવી

ઉત્તર ગુજરાતમાં વર્ષ 2020-21માં 69277 મહિલા અને પુરૂષોએ વ્યંધિકરણ સાથે ફેમિલી પ્લાનિંગમાં રસ દાખવી ચૂક્યા છે. કુલ વ્યંધિકરણમાં 33.31% સાથે બનાસકાંઠાનો સૌથી વધુ હિસ્સો રહ્યો છે. જ્યારે પાટણમાં સૌથી ઓછો 13.91% હિસ્સો છે. સાબરકાંઠામાં 21.59%, અરવલ્લીમાં 16.25% અને મહેસાણામાં 14.62% હિસ્સો રહ્યો છે.

ઉત્તર ગુજરાતમાં ફેમિલી પ્લાનિંગને મહિલાઓ કરતાં પુરૂષો ઓછું મહત્વ આપી રહ્યા હોય તેવું લાગી રહ્યું છે. કેમકે વર્ષ 2020-21માં ઉત્તર ગુજરાતની 69251 મહિલાઓ સામે માત્ર 26 પુરૂષોએ જ વ્યંધિકરણ કરાવ્યું હતું. એટલે કે, 99.96% મહિલાઓ સામે પુરૂષોની સંખ્યા માત્ર 0.04% જ રહી છે.

એમાં પણ સાબરકાંઠાના 13 અને અરવલ્લીના 12 પુરૂષોની સંખ્યા ઉત્તર ગુજરાતમાં સૌથી વધુ રહી છે. જ્યારે પાટણ અને બનાસકાંઠા જિલ્લામાં એક પણ પુરૂષે વ્યંધિકરણ કરાવ્યું નથી. જોકે, મહેસાણામાં 1 માત્ર પુરૂષે વ્યંધિકરણ કરાવ્યું હતું.

​​​​​​​