કોરોના અપડેટ:વિજાપુર,કડી,ખેરાલુ શહેર અને જોટાણા, સતલાસણા તાલુકામાં એકપણ કેસ નહીં

મહેસાણા જિલ્લામાં મંગળવારે શહેરી વિસ્તારના 6 અને ગ્રામ્ય વિસ્તારના 18 કેસ મળી કુલ 24 કેસ નોંધાયા હતા. તેની સામે 73 દર્દીઓ સાજા થતાં એક્ટિવ કેસની 952 થયા હતા. તાલુકાવાઇઝ સંક્રમિતોની સ્થિતિ જોઇએ તો, મહેસાણામાં 8 કેસ, વિજાપુરમાં 7 કેસ, કડીમાં 4 કેસ, જ્યારે બહુચરાજી, ખેરાલુ, ઊંઝા, વડનગર અને વિસનગરમાં 1-1 કેસ નોંધાયો હતો.

જ્યારે જોટાણા અને સતલાસણામાં એકપણ કેસ નોંધાયો ન હતો. તેમજ જિલ્લામાં વધુ 712 શંકાસ્પદ સેમ્પલ લેવાયા હતા. બીજી બાજુ મહેસાણા શહેરના નીજધામમાં 7 પૈકી 1 તેમજ વિસનગર સ્મશાનમાં 1 મૃતદેહના કોરોના ગાઇડ લાઇન મુજબ અંતિમ સંસ્કાર કરાયા હતા. ઉત્તર ગુજરાતમાં મંગળવારે 67 કેસ અને 3 દર્દીઓનાં મોત થયાં હતાં. સાબરકાંઠા જિલ્લામાં 14 કેસ, બનાસકાંઠામાં 19 કેસ અને 1 મોત તેમજ પાટણ જિલ્લામાં કોરોનાના 10 કેસ નોંધાયા હતા.