આદેશ:પ્રિસાઇડીગ મદદનીસમાં નવા 40 થી વધુ ઓર્ડર કરાયા

મહેસાણા પાલિકા ચૂંટણીમાં 157 મતદાન મથકો છે.જેમાં પ્રિસાઇડીગ અને પોલીગ કર્મીઓમાં કેટલાક વિકલાંગ, કેટલાક નિવૃત્ત થયા હોય તેમના નામના ઓર્ડરો મોકલી દેવાયા હતા.તો મિલ્ક ઓડિટ વિભાગમાંથી કર્મચારીઓની બે યાદી આવતા એક નામના બે ઓર્ડર જેવી સ્થિતિમાં દુબાર નામ શોર્ટઆઉટ કરતાં મદદનીશ પૂરતા થયા નહોતા તેમજ પ્રિસાઇડીગમાં 10 ટકા રિઝર્વ માટે નવા ઓર્ડરની જરૂરીયાત ઉભી થઇ હતી.

તાલીમ દરમ્યાન કર્મીઓની ઓછી હાજરીમાં સ્પષ્ટીકરણ થયા પછી પાલિકા ચૂંટણી તંત્રએ હવે રિઝર્વ સાથે પ્રિસાઇડીગ અને મદદનીશનમાં 175-175 કર્મીઓ કરવા માટે ખૂટતા અંદાજે 40 થી વધુ કર્મચારીઓ વિવિધ વિભાગમાંથી લેવા પ્રાન્ત કચેરી હોલમાં ઓર્ડર તૈયાર કરી રવાના કરવાની તજવીજ કરાઇ હતી.જેમાં અેલઆઇસી, બેકો તેમજ શાળાઓના શિક્ષક વગેરે કર્મચારીઓની યાદી ચકાસણીને પ્રિસાઇડીગ ,મદદનીશ નિયુક્તિ શરૂ કરાઇ હતી.