બુટલેગર ઝડપાયો:છેલ્લા એક વર્ષથી દારૂની હેરાફેરીના ગુનામાં ફરાર આરોપીને મહેસાણા એસઓજીએ પકડ્યો

મહેસાણા જિલ્લામાં કાયદો અને વ્યવસ્થાની જાળવણી તેમજ નજીકના સમયમાં સ્થાનિક સ્વરાજ્યની ચૂંટણી 2021 અંતર્ગત મહાનગરપાલિકા ,નગરપાલિકા ,જિલ્લા પંચાયત તેમજ તાલુકા પંચાયતની ચૂંટણીઓ આવતી હોવાથી પોલીસને સૂચના આપવામાં આવી જતી જે અનુસંધાને પેટ્રોલિંગ સઘન બનાવી દેવાયું છે. જે દરમિયાન પોલીસે બાતમીના આધારે છેલ્લા 1 વર્ષથી દારૂની હેરાફેરીના ગુનામાં ફરાર આરોપીને ઝડપી આગળની કાર્યવાહી હાથ ધરી છે.

પ્રાપ્ત વિગતો અનુસાર, સાંથલ પોલીસ સ્ટેશનના પ્રોહીબિશનના ગુન્હા જેમ કે વિદેશી દારૂના ગુન્હામાં કલમ 65(એ)ઇ, 116બી, 81.98(2)ના કામનો આરોપી રાજપુરોહિત જગદીશ સિંહ ઉર્ફે ભગતસિંહ છેલ્લા એક વર્ષથી પોલીસ પકડથી ફરાર હતો. આ આરોપી મહેસાણામાં મીઠા ચોકડી પાસે ઉભો હોવાની બાતમી મળતા પોલીસે સ્ટાફ સાથે વોચ ગોઠવી આરોપીને ઝડપી પાડ્યો હતો. તેમજ પોલીસે સી,આર,પી,સી કલમ 41 (1) આઈ મુજબ હસ્તગત કરી આગળની કાર્યવાહી માટે સાંથલ પોલીસ સ્ટેશનમાં સોંપવામાં આવ્યો હતો.