આત્મહત્યા:મહેસાણાના ઇજનેરનો અગમ્ય કારણે ગળે ટૂંપો ખાઇ આપઘાત, ધરમ સિનેમા રોડ પર સંસ્કાર એપાર્ટમેન્ટની ઘટના

મહેસાણા શહેરમાં ધરમ સિનેમા રોડ પર સંસ્કાર એપાર્ટમેન્ટમાં રહેતા ઇજનેર યુવાને કોઇ અગમ્ય કારણોસર ઘરમાં ગળે ફાંસો ખાઇ આપઘાત કરી લીધો હતો. બી ડિવિજન પોલીસે અકસ્માત મોત અંગે નોંધ કરી આપઘાત પાછળનું કારણ જાણવા તપાસ હાથ ધરી છે. શહેરના ધરમ સિનેમા રોડ પર આવેલા સંસ્કાર એપાર્ટમેન્ટમાં રહેતા ભૌમિક અશ્વિનભાઇ કડિયા (27) બેંગ્લુરુમાં ઇજનેર તરીકે નોકરી કરે છે અને તાજતેરમાં કોરોનાને પગલે લોકડાઉન આવતાં ઘરે પરત આવ્યા હતા.

સોમવારે સવારે તેમના માતા-ભાઇ શાકભાજી લેવા ગયા ત્યારે ઘરમાં એકલા પડેલા ભૌમિકભાઇએ કોઇ અગમ્ય કારણોસર ઘરમાં પંખાના કડા સાથે પ્લાસ્ટીકની દોરીથી ગળે ટૂંપો ખાઇ આપઘાત કર્યો હતો. ઘરે પરત ફરેલા યુવાને ભાઇને ગળે ટૂંપો ખાધેલી હાલત જોઇ તાત્કાલિક નીચે ઉતારી સિવિલમાં લઇ જવાયો હતો. જ્યાં હાજર તબીબે તેને મૃત જાહેર કર્યો હતો. બી ડિવિજન પોલીસે આગળની કાર્યવાહી હાથ ધરી છે.