સંપાદન:મહેસાણા-શામળાજી હાઇવે માટે ચાર તાલુકાના 29 ગામોની જમીન સંપાદન

આગામી સમયમાં મહેસાણા થી શામળાજી સુધી બનનાર નવીન નેશનલ હાઇવે જિલ્લાના મહેસાણા, વિસનગર, વડનગર અને ખેરાલુ તાલુકાના 29 ગામોમાંથી પસાર થવાનો છે. આ ગામોની જમીન સંપાદન માટે જાહેરનામું બહાર પાડવા વહીવટી તંત્રએ પ્રક્રિયા હાથ ધરી છે.

મહેસાણાની પ્રજા વાયા હિંમતનગરને બદલે વિસનગર, વડનગર, ખેરાલુ, ઈડર, ભિલોડા થઈ સીધા જ શામળિયા ભગવાનના દર્શન માટે શામળાજી જઈ શકે તે માટે સરકાર દ્વારા મહેસાણા થી શામળાજી નવીન નેશનલ હાઇવે બનાવવાનું આયોજન હાથ ધર્યું છે. જેના ભાગરૂપે જિલ્લાના 4 તાલુકામાંથી પસાર થનારા હાઇવે માટે જમીન સંપાદન માટે જાહેરનામું પ્રસિદ્ધ કરવાની પ્રક્રિયા વહીવટી તંત્ર દ્વારા હાથ ધરાઇ છે.

આ ગામોની જમીન સંપાદન કરાશે
મહેસાણા : રામપુરા, કુકસ, લાખવડ, ઉચરપી, દેલા અને ગઢા. વિસનગર : કંસારાકુઈ, રાવળાપુરા, સવાલા, કાંસા, થલોટા, ઇયાસરા, વિસનગર અને ઉમતા. વડનગર : મલેકપુર, વડનગર સિટી, સુલીપુર, કેસીમ્પા, શેખપુર, સિપોર, કરસનપુરા, ખાનપુર, ઉણાદ, ઊંઢાઈ અને વલાસણા. ખેરાલુ : રસુલપુર, લીંબડી, સાદીકપુરા અને સમોજા.