વિધાનસભા સંગ્રામ 2022:2017ની ચૂંટણીમાં ઉત્તર ગુજરાતની 27માંથી 4 બેઠકો પર ભાજપ, 3માં કોંગ્રેસ 3000થી ઓછા માર્જિને જીત્યો'તો

મહેસાણા3 મહિનો પહેલા
  • કૉપી લિંક
  • વિસનગર, વિજાપુર, ધાનેરા, દિયોદર, હિંમતનગર, મોડાસા અને પ્રાંતિજ બેઠક જાળવી રાખવા ભાજપ-કોંગ્રેસ માટે પડકાર

રાજ્યમાં 27 બેઠકો એવી છે કે જ્યાં 2017ની વિધાનસભા ચૂંટણીમાં હાર-જીતનું માર્જિન માત્રને માત્ર 3,000 મત કરતાં પણ ઓછું હતું. આમાં ઉત્તર ગુજરાતની 7 બેઠકો હતી. આ બેઠકોમાં ભાજપ હસ્તકની 16 બેઠકોમાં વિસનગર, વિજાપુર, હિંમતનગર, પ્રાંતિજ, ધોળકા, રાજકોટ રૂરલ, પોરબંદર, ગારિયાધાર, બોટાદ, ખંભાત, ઉમરેઠ, માતર, ગોધરા, ફતેપુરા, ડભોઇ અને વાગરા, જ્યારે કોંગ્રેસ હસ્તકની 11 બેઠકોમાં ધાનેરા, દિયોદર, મોડાસા, માણસા, વાંકાનેર, જામજોધપુર, તળાજા, સોજીંત્રા, છોટાઉદેપુર, ડાંગ અને કપરાડાનો સમાવેશ થાય છે. રસપ્રદ બાબત એ છે કે, સાવ નજીવા માર્જિનથી જીત્યા હોવાથી આ તમામ 27 બેઠકો ઉપર ભાજપ અને કોંગ્રેસે આ વર્ષે પોતાની તમામ તાકાત લગાવવી પડશે. .

કારણ કે, આ 27 બેઠકો પૈકી જે તેમની પાસે છે તેને સાચવી રાખવાનો તેમજ સામાપક્ષ પાસે જે બેઠકો છે તે પોતાના ખાતે અંકે કરવાનો સૌથી મોટો પડકાર બંને પક્ષે ઉભો છે. ઉલ્લેખનિય છે કે, 2017ની ચૂંટણીમાં ઉ.ગુ.માં સૌથી ઓછા 972 મતે દિયોદર બેઠક પર કોંગ્રેસના શિવાભાઇ ભૂરિયા વિજેતા થયા હતા. જ્યારે સૌથી વધુ 25,279 મતે પાટણ બેઠક પરથી કોંગ્રેસના ડૉ. કિરીટભાઇ પટેલ જીત્યા હતા..

2017ની ચૂંટણીમાં ઉત્તર ગુજરાતની 27માંથી 4 બેઠકો પર ભાજપ અને 3 બેઠકો પર કોંગ્રેસની 3000થી ઓછા માર્જિનથી જીત થઇ હતી

રાજ્યમાં 3000થી ઓછા માર્જિન ધરાવતી 27 બેઠકો​​​​​​​
ભાજપ 16 અને કોંગ્રેસ 11

ઉ.ગુ.ની 3000થી ઓછા માર્જિનની 7 બેઠકો

દિયોદર972 મતકોંગ્રેસશિવાભાઇ ભૂરિયા
વિજાપુર1164 મતભાજપરમણલાલ પટેલ
મોડાસા1640 મતકોંગ્રેસરાજેન્દ્રસિંહ ઠાકોર
હિંમતનગર1712 મતભાજપરાજેન્દ્રસિંહ ચાવડા
ધાનેરા2093 મતકોંગ્રેસનથાભાઇ પટેલ
પ્રાંતિજ2551 મતભાજપગજેન્દ્રસિંહ પરમાર
વિસનગર2869 મતભાજપઋષિકેશ પટેલ

​​​​​​એવી 12 બેઠકો જ્યાં જીતનું પ્રમાણ 1 ટકાથી પણ ઓછું.

1000થી ઓછું માર્જિન

1. દિયોદર972 મત
2. માણસા524 મત
3. ધોળકા327 મત
4. બોટાદ906 મત
5. ગોધરા258 મત
6. ડાંગ768 મત
7. કપરાડા170 મત

​​​​​​​

ફ્લેશબેક | 2012માં 3000થી ઓછા માર્જિનવાળી રાજ્યમાં 23 અને ઉત્તર ગુજરાતની 2 બેઠકો જ હતી
2012માં 3000થી ઓછા માર્જિન ધરાવતી 23 બેઠકો હતી. જેમાં કોંગ્રેસની 15, ભાજપની 6 અને અન્યની 2 બેઠકો હતી. જેમાં સોજિંત્રા, કલોલ, કાંકરેજ, આણંદ, કડી, ઉમરેઠ, સંખેડા, તાલાલા, લીંબડી, ઘારી, સોમનાથ, દહેગામ, છોટાઉદેપુર, સાવરકુંડલા, ડાંગ, ડેડિયાપાડા, બાપુનગર, દરિયાપુર, મોરબી, લાઠી, જામનગર સાઉથ, ગોધરા અને ધોરાજી હતી.

2017માં ભાજપ અને કોંગ્રેસે 1 ટકાથી પણ ઓછા માર્જિનથી જીત મેળવી હોય તેવી 12 બેઠકો છે. જેમાં દિયોદર (0.59%), વિજાપુર (0.78%), હિંમતનગર (0.89%), મોડાસા (0.96%), માણસા (0.33%), ધોળકા (0.21%), વાંકાનેર (0.76%), બોટાદ (0.52%), ગોધરા (0.15%), છોટાઉદેપુર (0.69%), ડાંગ (0.64%) અને કપરાડા (0.09%) છે. આ બેઠકોમાં 5 ભાજપની અને બાકીની 7 કોંગ્રેસની છે.

અન્ય સમાચારો પણ છે...