પેનલ્ટી:પોસ્ટ ખાતામાં રૂ500 બેલેન્સ નહીં હોય તો વર્ષે રૂ118 પેનલ્ટી લાગશે, તા.12 ડિસેમ્બરથી નવો નિયમ લાગુ પડશે

પોસ્ટ વિભાગે બચત ખાતા દ્વારા નાણાંની બચતના નિયમમાં ફેરફાર કર્યો છે. જે મુજબ હવેથી પોસ્ટના બચત ખાતામાં ઓછામાં ઓછા રૂ.500 રકમ રાખવી અનિવાર્ય કરાઇ છે. આ નિયમ આગામી તા.12 ડિસેમ્બરથી લાગુ થઇ જશે. જો ખાતામાં રૂ.500 થી ઓછું બેલેન્સ હશે તો વાર્ષિક રૂ.100 ની સાથે રૂ.18 જીએસટીના મળી કુલ રૂ.118 ની પેનલ્ટી લાગશે. એવામાં જો ખાતામાં એક પણ રૂપિયો નહીં હોય તો ખાતું બંધ થઇ જશે.

જો આપ પોસ્ટ વિભાગમાં બચત ખાતુ ધરાવતાં હોવ તો આગામી 11 ડિસેમ્બર સુધી ખાતામાં ઓછામાં ઓછા રૂ.500 નું બેલેન્સ છે કે કેમ તે ચકાસી લેવું. કેમકે તા.12 ડિસેમ્બરથી પોસ્ટ વિભાગના નવા નિયમ મુજબ બચત ખાતામાં ઓછામાં ઓછું રૂ.500 નો બેલેન્સ રાખવું અનિવાર્ય બની જશે. જો ખાતામાં રૂ.500 થી ઓછું બેલેન્સ હશે તો વાર્ષિક રૂ.100 ની સાથે રૂ.18 જીએસટીના મળી કુલ રૂ.118 ની પેનલ્ટી લાગશે. એવામાં જો ખાતામાં એક પણ રૂપિયો નહીં હોય તો ખાતું આપમેળે બંધ થઇ જશે.