ઠંડી વધવાની આગાહી:આગામી 3 દિવસમાં 2 થી 4 ડિગ્રી ઠંડી વધવાની આગાહી, છેલ્લા 24 કલાકમાં ઠંડી 1 ડિગ્રી વધી

ઉત્તર ગુજરાતમાં ગુરૂવારે ઠંડી 1 ડિગ્રી સુધી વધતાં મુખ્ય 5 શહેરોનું લઘુત્તમ તાપમાન 12.4 થી 13 ડિગ્રીની વચ્ચે રહ્યું હતું. જ્યારે ગરમીનું પ્રમાણ અડધો ડિગ્રી સુધી વધતાં 30.5 થી 31.5 ડિગ્રીની વચ્ચે રહ્યું હતું. જેના કારણે સતત ત્રીજા દિવસે બેવડી ઋતુનો અનુભવ થયો હતો.

હવામાન વિભાગના જણાવ્યા અનુસાર, આજથી ઉત્તર ગુજરાત સહિત રાજ્યમાં મોટાભાગે ઉત્તર-પૂર્વ દિશાનો ઠંડો પવન ફૂંકાવવાની શક્યતા છે. આ પવન જમીન સ્તરથી નજીક હોવાના કારણે આગામી 3 દિવસમાં 2 થી 4 ડિગ્રી સુધી ઠંડી વધે તેવી શક્યતા છે. જ્યારે ગુરુવારે માઉન્ટ આબુનું તાપમાન 3.4 ડિગ્રી નોંધાયું હતુ.જ્યારે બુધવારે 4.4 ડિગ્રી નોંધાયું હતુ.