ડેમમાં નવા નીરની આવક:ઉત્તર ગુજરાતના જીવા દોરી સમાન ગણાતા ધરોઈ ડેમમાં 33 ટકાથી વધુ પાણી ભરાયું, ખેડૂતોમાં ખુશીની લહેર

મહેસાણા23 દિવસ પહેલા
  • કૉપી લિંક
  • છેલ્લા 10 દિવસમાં પાણીના જથ્થામાં 8.92 ટકાનો વધારો

ઉત્તર ગુજરાતની જીવાદોરી સમાન ગણાતો એક માત્ર ધરોઈ ડેમમાં નવા નીરની આવક થઈ છે. છેલ્લા 10 દિવસ દરમિયાન રાજસ્થાનના ઉપરવાસમાં પડેલા વરસાદના કારણે મહેસાણા જિલ્લામાં સતલાસણા પાસે આવેલા ધરોઈ ડેમમાં પાણીના જથ્થામાં 8.92 ટકાનો વધારો જોવા મળ્યો છે. જેને પગલે ખેડૂતોમાં ખુશી જોવા મળી છે.
ગઈકાલ સુધીમાં ડેમમાં 10 હજાર ક્યુસેક પાણીની આવક
ધરોઈ ડેમમાં ગઈકાલ સુધીમાં 10 હજાર ક્યુસેક પાણીની આવક થઈ રહી હતી અને જળાશય 33.39 ટકા ભરાયું હતું. ધરોઈ ડેમની ભયજનક સપાટી 622 ફૂટની છે. તેની સામે હાલમાં 599.35 ફૂટે જળસપાટી પહોંચી છે.
10 દિવસમાં નોંધાયેલી જળ સપાટી
મહેસાણા જિલ્લામાં આવેલા ધરોઈ ડેમમાં છેલ્લા 10 દિવસ દરમિયાન નોંધાયેલી જળસપાટી પર નજર કરીએ તો સરકારી આંકડા મુજબ 17 મી જુલાઈએ 593.89 ફૂટ, 18મી જુલાઈએ 593.97 ફૂટ, 19 જુલાઈ 594.52 ફૂટ, 20મી જુલાઈએ 596.52 ફૂટ, 21 જુલાઈએ 597.47 ફૂટ, 22 જુલાઈએ 597.89 ફૂટ, 23 જુલાઈએ 598.09 ફૂટ, 24 જુલાઈએ 598.24 ફૂટ, 25 જુલાઈએ 598.58 ફૂટ, 26 જુલાઈએ 599.35 ફૂટ જળ સપાટી નોંધાઈ હતી.

અન્ય સમાચારો પણ છે...