વિતરણ:ગણપત યુનિવર્સિટી દ્વારા કોરોના કીટ વિતરણ

ખેરવા સ્થિત ગણપત યુનિવર્સિટીના દાતા અને પ્રેસિડેન્ટ ગણપતભાઇ પટેલની પ્રેરણાથી ગણપત યુનિવર્સિટી દ્વારા વિદ્યાનગરીની આસપાસના 10 જેટલા ગામોમાં હોમ કવોરંન્ટાઇન થઈને કોરોનાની સારવાર લઈ રહેલા દર્દીઓને કોવિડ કેર કીટ વિતરણની શરૂઆત કરાઈ છે. જેમાં નાસ લેવાનું મશીન, કપૂરની ગોળીઓ , હોમિયોપેથીક દવાઓ, માસ્ક, ઇમ્યુનિટી વર્ધક ખાખરાઓ, ઉકાળો , સેનેટાઇઝર, આમળાનો રસ અને સશમની વટીની કીટ તૈયાર કરાઈ છે.

પ્રથમ તબક્કામાં 500 કીટ વિતરણ કરવામાં આવશે અને ડોકટરની સલાહ મુજબ જરૂરિયાતવાળા દર્દીઓને ઓક્સિજન કીટ વિનામૂલ્યે પૂરી પડાશે. ગણપત યુનિવર્સિટીની કોવિડ 19ની સેવામાં કોઈ સંસ્થા કે વ્યક્તિ જોડાવા ઈચ્છતી હોય તો 9106593769 અને મોબાઈલ નબર 8238244431 ઉપર સંપર્ક કરવા અનુરોધ કર્યો છે.