કોરોના કહેર:મહેસાણા પાલિકાના વહિવટી કર્મચારીનું કોરોનાથી મોત

મહેસાણા નગરપાલિકામાં ફરજ બજાવતા નિલેશભાઈ કોઠારીની પાંચેક દિવસ અગાઉ તબિયત લથડતાં હોમીયોપેથીક હોસ્પિટલમાં સારવાર અર્થે દાખલ કરાયા હતા. જેમને કોરોના પોઝીટીવ જણાતાં ઓક્સિજન પર રખાયા હતા. જ્યાં રવિવારે વહેલી સવારે તેમનું અવસાન થયુ હતું. નગરપાલિકાના સુત્રોએ કહ્યુ કે, મૂળ વડનગરના કહીપુરના અને મહેસાણા સ્વામિનારાયણ મંદિર નજીક સોસાયટીમાં રહેતા નિલેશભાઇ કોઠારીને શ્વાસ લેવાની તકલીફ હતી. તેમને ડાયાબીટીશ, બ્લડપ્રેશરની પણ તકલીફ હતી. આ દરમ્યાન કોરોના પોઝીટીવ રીપોર્ટ આવતા હોસ્પિટલમાં સારવાર દરમ્યાન મોત નિપજ્યુ હતું. કર્મચારીના દિવાળી ટાણે જ મોત થતાં સહ કર્મીઓ અને પરિવારજનોમાં શોક છવાયો હતો.