હવામાન:મહેસાણામાં ઠંડીનો પારો 17 ડિગ્રીએ પહોંચ્યો

ઉત્તર ગુજરાતના મુખ્ય 5 શહેરોમાં શુક્રવારે ઠંડીનો પારો એક ડિગ્રી સુધી ઉંચકાયો હતો. જોકે, સવારના સમયે સૂસવાટા મારતાં પવનના કારણે તાપમાન વધવા છતાં ઠંડીનો ચમકારો યથાવત રહ્યો હતો. હવામાન વિભાગની આગાહી મુજબ, શનિવાર અને રવિવારે ઉત્તર ગુજરાતનું આકાશમાં હળવા વાદળો જોવા મળી શકે છે. તેમજ પવનની દિશા અનિયમિત થવાની સંભાવના છે. જેને લઇ ઠંડીમાં સામાન્ય ઘટાડો થઇ શકે છે. શુક્રવારે મહેસાણામાં ઠંડીનો પારો 17 ડિગ્રી નોંધાયો હતો.