સારવાર:મહેસાણામાં સાયકલ લઈ શાળાએ જતી છાત્રાને‎ કારની ટક્કર વાગતાં બ્રેઇન હેમરેજ થઈ ગયું‎

મહેસાણા‎24 દિવસ પહેલા
  • કૉપી લિંક
  • નાગલપુર પાટિયા પાસે બુધવારે વહેલી સવારે બનેલી હિટ એન્ડ રનની ઘટના‎
  • ગંભીર ઇજાગ્રસ્ત બાળકીને બેભાન હાલતમાં ખાનગી હોસ્પિટલમાં સારવાર હેઠળ રખાઇ‎

મહેસાણા નાગલપુર પાટિયા પાસે‎ બુધવારે સવારે સાઇકલ લઈને‎ શાળાએ જતી 11 વર્ષની કિશોરીને‎ રોડ ક્રોસ કરતાં સમયે કારચાલક‎ ટક્કર મારી નાસી છૂટ્યો હતો.‎ ગંભીર ઈજાગ્રસ્ત બાળકીને‎ બેભાન હાલતમાં સારવાર અર્થે‎ ખસેડાતાં માથાના ભાગે બ્રેઇન‎ હેમરેજ થયું હોવાનું નિદાન થયું‎ હતું.‎ નાગલપુર ગોકુલધામ‎ સોસાયટીમાં રહેતા અલ્પેશભાઈ‎ પ્રજાપતિની દીકરી ઋષ્વી પ્રજાપતિ‎ બુધવારે સવારે ઘેરથી સાયકલ લઈ‎ નાગલપુર પાટિયા પાસે આવેલી‎ સક્સેસ સ્કૂલમાં અભ્યાસ અર્થે‎ જવા નીકળી હતી.

ત્યારે પીકઅપ ‎ ‎ સ્ટેન્ડ નજીક રસ્તો ક્રોસ કરી રહી‎ હતી, ત્યારે અમદાવાદ તરફ જતી ‎ ‎ કારના ચાલકે ઋષ્વીની સાઇકલને ‎ ‎ ટક્કર મારતાં તે ફંગોળાઈને રોડ‎ પર પડી હતી. અકસ્માતને પગલે ‎ ‎ લોકો ભેગા થઈ ગયા હતા અને ‎ ‎ ઇજાગ્રસ્ત ઋષ્વીને બેભાન‎ હાલતમાં લાયન્સ હોસ્પિટલમાં ‎ ‎ ખસેડાઈ હતી. જ્યાં ડોક્ટરોએ‎ તેણીને માથામાં બ્રેઇન હેમરેજ થઈ ‎ ‎ ગયું હોવાનું નિદાન કર્યું હતું.‎ પોલીસે હીટ એન્ડ રનની ઘટના‎ અંગે ફરિયાદ નોંધવા સાથે ફરાર ‎ ‎ વાહનચાલકની શોધખોળ આદરી‎ છે.‎

અન્ય સમાચારો પણ છે...