• Gujarati News
  • Local
  • Gujarat
  • Mehsana
  • 5 Cases Of Falling From The Roof, 2 Cases Of Cord Strangulation And 11 Cases Of Road Accidents Were Reported In Mehsana District.

ઉત્તરાયણ પર અકસ્માતની ઘટનાઓ:મહેસાણા જિલ્લામાં ધાબેથી પડી જવાના 5 કેસ, દોરી વાગવાના 2 કેસ અને રોડ અકસ્માતના 11 કેસ નોંધાયા

મહેસાણા22 દિવસ પહેલા
  • કૉપી લિંક

મહેસાણા જિલ્લામાં ઉતરાયણના પર્વ પર 108 એમ્બ્યુલન્સને ધાબેથી પડી જવાના 5 કેસ, રોડ અકસ્માતના 11 કેસ મળ્યા હતા. જેથી 108 એમ્બ્યુલન્સ દ્વારા ઘાયલોને તાત્કાલિક સારવાર માટે હોસ્પિટલ સુધી પહોંચાડવામાં આવ્યાં હતા.
ઉતરાયણ પર્વની મહેસાણા જિલ્લામાં લોકોએ ધામધૂમથી ઉજવણી કરી હતી. જોકે. અનેક સ્થળે માર્ગ અકસ્માત, દોરીથી ઘવાઈ જવાના કેસ 108 એમ્બ્યુલન્સને મળ્યા હતા. જેથી 108ના કર્મીઓએ તાત્કાલિક સ્થળ પર જઇ ઈજાગ્રસ્તોને પ્રાથમિક સારવાર આપી હોસ્પિટલ સુધી પહોંચતા કર્યા હતા.
​​​​​​​સતલાસણામાં બાળકીને દોરી વાગતા ઈજાગ્રસ્ત
આજે સતલાસણા તાલુકામાં આવેલા વઘાર ગામની બાળકીને પતંગની દોરી વાગતા ઘાયલ થઈ હતી. જેથી0 પરિવારે 108ને જાણ કરતા એમ્બ્યુલન્સ તાત્કાલિક ગામે દોડી આવી હતી. બાળકીને પ્રાથમિક સારવાર આપી સતલાસણા આરોગ્ય કેન્દ્રમાં વધુ સારવાર માટે ખસેડવામાં આવી હતી.
​​​​​​​બોરીસાના ગામે બાઈક ચાલક યુવકના ગળે દોરી વિંટાઈ
મહેસાણા જિલ્લામાં ઉતરાયણના દિવસ દરમિયાન અમદાવાદથી બાઈક લઇ બેચરાજી જઇ રહેલા હેમંત સોલંકીને કડી તાલુકાના બોરીયાવી નજીક ગળાના ભાગે 2 ઇંચ જેટલો દોરો ઘુસી ગયો હતો. બાદમાં 108 મારફતે કડી ભાગ્યોદય હોસ્પિટલ ખાતે સારવાર માટે ખસેડવામાં આવ્યો હતો.
​​​​​​​જિલ્લામાં માર્ગ અકસ્માતના 11 કેસ
મહેસાણા જિલ્લા 108 અધિકારી જૈમીન પ્રજાપતિએ દિવ્ય ભાસ્કરને જણાવ્યા પ્રમાણે ઉતરાયણના દિવસે 108 એમ્બ્યુલન્સ દ્વારા જિલ્લામાં દોરી વાગવાના 2 કેસ, રોડ અકસ્માત ના 11 કેસ, ધાબે થી પડી જવાના 5 કેસ અને મારામારીના 4 કેસ આજે સાંજે 5 કલાક સુધી 108 એમ્બ્યુલન્સને મળ્યા હતા.

અન્ય સમાચારો પણ છે...