તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

સ્થાનિક સ્વરાજ્યની ચૂંટણી:ભાજપ-કોંગ્રેસના 22 પૂર્વ નગરસેવકો ફરી ટિકિટની લાઇનમાં, કોંગ્રેસના 19માંથી 10ની દાવેદારી

મહેસાણાએક મહિનો પહેલા
  • કૉપી લિંક
ચૂંટણી તો આવે ને જાય... શહેરમાં ગટરો ઊભરાવાની સમસ્યા ઠેરની ઠેર - Divya Bhaskar
ચૂંટણી તો આવે ને જાય... શહેરમાં ગટરો ઊભરાવાની સમસ્યા ઠેરની ઠેર
  • મહેસાણા નગરપાલિકામાં વર્ષ 2015માં ભાજપમાંથી જીતેલા 12 નગરસેવકોએ બાયોડેટા આપ્યો
  • કોંગ્રેસમાંથી પક્ષપલટો કરનારા 10 પૈકી 4 નગરસેવકોએ પણ ભાજપની ટિકિટ માગી, ભાજપના ઉમેદવાર પસંદગીના 3 નિયમોથી એકનું પત્તુ કપાઇ શકે

મહેસાણા નગરપાલિકાના 11 વોર્ડમાં ભાજપ અને કોંગ્રેસની સત્તા હાંસલ કરવા મજબૂત ઉમેદવારોની શોધ અંતિમ તબક્કામાં છે. ત્યારે ભાજપ-કોંગ્રેસમાંથી ગત ટર્મમાં જીતેલા નગરસેવકોએ પણ ટિકિટ માટે દાવેદારી કરતાં રીતસર ખેંચમતાણ શરૂ થઇ છે. ભાજપના ગત ટર્મના 12 મળી 25 પૂર્વ નગરસેવકોએ મોટી સંખ્યામાં ટેકેદારો અને જીતના મતો મુઠ્ઠીમાં હોવાનું ચિત્ર બતાવી ટિકિટ માટે દાવેદારી કરી છે. તો કોંગ્રેસ છોડી ભાજપમાં જોડાયેલા 4 નગરસેવકો પણ ટિકિટની લાઇનમાં છે. બીજી બાજુ, કોંગ્રેસના ગત ટર્મના 19 પૈકી 10 સભ્યોએ ટિકિટ મેળવવા કમર કસી છે. જેમાં નગરસેવિકા શોભનાબેન ઠાકોરે તેમની જગ્યાએ પુત્ર અનિલ ઠાકોર માટે ટિકિટ માગી છે. જ્યારે કેટલાકે હજુ બાયોડેટા આપ્યો નથી, પરંતુ મનથી ચૂંટણી લડવા ઘૂઘરા બાંધી દીધા હોવાનો માહોલ જોવા મળ્યો છે. નોંધનીય છે કે, ગત ચૂંટણીમાં કોંગ્રેસના 29 પૈકી 10 સભ્યો બળવો કરી ભાજપમાં જોડાયા હતા.

ચૂંટણી તો આવે ને જાય... શહેરમાં ગટરો ઊભરાવાની સમસ્યા ઠેરની ઠેર
મહેસાણા શહેરમાં સોમવારે સાંજે અર્બન બેંક રોડ પર ગટર ઉભરાતાં રોડ પર રેલાયેલા પાણીથી વાહનચાલકો અને રાહદારીઓને હાલાકી પડી હતી. હાઈવેથી અર્બન બેંક તરફ જતા રોડના વળાંક સુધી ગટરનું પાણી ફરી વળ્યું હતું. શહેરની આ સમસ્યા ચૂંટણી આવે ને જાય પણ હજુ સુધી ઉકેલાઇ નથી. ત્યાં વધુ એક ચૂંટણી આવી ગઇ છે.

પુન: ટિકિટ માગનારા ભાજપના નગરસેવકો

  • કોકીલાબેન નિરંજનભાઇ ચાવડા
  • નિશાબેન રાકેશકુમાર બારોટ
  • રાજબા બળદેવસિંહ દરબાર
  • નવિનકુમાર હિરાલાલ પરમાર
  • કિર્તીભાઇ શંકરભાઇ પટેલ
  • કાનજીભાઇ જુગાભાઇ દેસાઇ
  • વિષ્ણુભાઇ જોરાભાઇ પટેલ
  • કૈલાશબેન મફતલાલ પટેલ
  • સ્મીતાબેન રાજેશકુમાર શાહ
  • જનકભાઇ ગોવિંદભાઇ બ્રહ્મભટ્ટ
  • કૌશિકભાઇ હીરાલાલ વ્યાસ
  • કનુભાઇ માધવલાલ પટેલ

પુન: ટિકિટ માગનારા કોંગ્રેસના નગરસેવકો

  • સ્મીતાબેન પરેશભાઇ જ્હા
  • દિનેશકુમાર નટવરભાઇ પટેલ
  • અમીતભાઇ વિષ્ણુભાઇ પટેલ
  • ત્રિભોવનભાઇ નાથાભાઇ ઓઝા
  • મંજુલાબેન મહેશભાઇ ચૌહાણ
  • રૂકસાનાબાનુ મહેબુબખાન સિપાઇ
  • ગાયત્રીબેન ગૌરવકુમાર ચાવડા
  • હિરેન હરગોવિંદભાઇ મકવાણા
  • શારદાબેન ભરતકુમાર પરમાર
  • શોભનાબેનના પુત્ર અનિલ ઠાકોર

ભાજપના 3 નિયમોથી સિનિયરો અકળાયા
સ્થાનિક સ્વરાજ્યની ચૂંટણીમાં ભાજપમાં દાવેદારોની લાઇનો લાગી છે, ત્યારે ભાજપે 60 વર્ષ ઉપરનાને ટિકિટ નહીં, સંગઠનના હોદ્ેદાર કે તેમના સગાને ટિકિટ નહીં તેમજ જે કોર્પોરેટર કે તાલુકા-જિલ્લા પંચાયત સદસ્યની 3 ટર્મ પૂર્ણ થઇ હોય તેને ટિકિટ નહીં આપવા નિર્ણય લીધો છે. આ 3 નિયમોથી દેખીતી રીતે ટિકિટમાં કપાતાં સિનિયરો અકળાયા છે. તો નવા નિશાળિયા મલકાયા છે.

અગાઉ કોંગ્રેસમાંથી ચૂંટણી લડનારા હવે ભાજપના શરણે
મહેસાણા પાલિકામાં ગત ચૂંટણીમાં કોંગ્રેસમાંથી ચૂંટાઇને ભાજપમાં પલટી મારનારા 10 પૈકી 4 નગરસેવકોએ ભાજપમાંથી ટિકિટ માંગી છે. તે પૈકીના એક પૂર્વ નગરસેવક ભાજપના નિયમમાં બંધ બેસતા ન હોઇ ચૂંટણી લડી શકે તેમ નથી.

પૂર્વ પ્રમુખ નિમીષાબેન પટેલે કહ્યું, કોંગ્રેસમાં મારી વિરુદ્ધ અવિશ્વાસની દરખાસ્ત આવી ત્યારથી જ નક્કી કર્યું હતું કે હવે કોઇ ચૂંટણી નહીં લડું

  • ભાજપના પૂર્વ સભ્ય ગીરીશ રાજગોરે કહ્યું કે, વર્ષ 1991માં ટિકિટ માંગી હતી અને ત્યાર બાદ બે ટર્મ સુધી પક્ષે મારી ઉપર વિશ્વાસ મૂકેલો, જેનાથી હું સંતુષ્ટ છું. પાર્ટીએ ઘણું આપ્યું છે અને પ્રમુખ બન્યા બાદ નિર્ણય લીધો હતો કે હવે ચૂંટણી નહીં લડું.
  • ભાજપનાં ભાવનાબેન ગોરે કહ્યું કે, મન ફરી ગયું, ચૂંટણી નહીં લડવાનું કોઇ કારણ નથી. બસ હવે સંગઠનમાં કામ કરવું છે ચૂંટણી લડવી નથી.
  • ભાજપનાં મંગુબેન પ્રજાપતિએ જણાવ્યું કે, છ મહિના પહેલાં જ નિર્ણય લીધો હતો કે હવે ચૂંટણી લડવી નથી અને તે માટે કોઇ કારણ નથી.
  • કોંગ્રેસનાં નિમીષા પટેલે કહ્યું કે, મારી વિરુદ્ધ અવિશ્વાસ દરખાસ્ત આવી ત્યારથી નક્કી કરેલું કે હવે કોઇ ચૂંટણી નહીં લડું,પણ કોંગ્રેસને વફાદાર રહી પક્ષનું કામ કરીશ.
  • કોંગ્રેસના જયદિપસિંહ ડાભીએ કહ્યું કે, 4 ટર્મ જીત્યો છું. પાર્ટીએ કામગીરીને ધ્યાનમાં લઇને અત્યાર સુધી ટિકિટ આપી છે અને આ વખતે પાર્ટીનો આદેશ હશે તો લડીશું.
  • કોંગ્રેસનાં નંદાબા વિષ્ણુસિંહ ઝાલાએ કહ્યું કે, ચૂંટણી તો લડવી છે, પરંતુ બાયોડેટા આપ્યો નથી.
  • કોંગ્રેસનાં મોતીબેન ઇશ્વરજી ઠાકોરે કહ્યું કે, આ વખતે ચૂંટણી લડવાની ઇચ્છા ખરી, પરંતુ ટિકિટ માંગી નથી, જોઇએ શું થાય છે.

કોંગ્રેસમાં ટિકિટ માટે બાયોડેટા બાદ હવે સેન્સ પ્રક્રિયા : આજે મહેસાણામાં બેઠક
મહેસાણા પાલિકાના 11 વોર્ડમાં ભાજપ સામે મજબૂત ઉમેદવારો ઉતારવા કોંગ્રેસે બાયોડેટાને આધારે પેનલ બનાવ્યા બાદ હવે સેન્સ પ્રક્રિયા હાથ ધરાશે. માનવ આશ્રમ ચોકડી પાસે ચિરાગ પ્લાઝા સ્થિત જિલ્લા કોંગ્રેસ કાર્યાલય ખાતે મંગળવારે બપોરે 11 વાગે નિરીક્ષકો બાયડ ધારાસભ્ય જશુભાઇ પટેલ અને પ્રદેશ મહામંત્રી ભરતસિંહ વાઘેલા તેમજ શહેર પ્રમુખ પી.કે. પટેલની ઉપસ્થિતિમાં પાલિકાના દાવેદારોની સેન્સ લેવાશે.

વિસનગરમાં મળેલી કોંગ્રેસની સંકલન બેઠક પડી ભાગી
કોંગ્રેસની નગરપાલિકા સાથે તાલુકા, જિલ્લા પંચાયતના ઉમેદવારોની પેનલ તૈયાર કરવા વિસનગરની દર્શન હોટલમાં સંકલન બેઠક મળી હતી. પરંતુ કયો ઉમેદવાર ચાલે અને કયો નહીં તે મુદ્દે મોડી રાત સુધી ચાલેલી ચર્ચા વચ્ચે પેનલ ન બનાવી શકતાં પુન: સંકલન બેઠક મળનાર છે. વિવાદ ટાળવા દાવેદારો પાસેથી બાયોડેટા લઇ સંકલન સમિતિને જવાબદારી સોંપી છે.

અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- આજે આર્થિક યોજનાઓને ફળીભૂત કરવાનો યોગ્ય સમય છે. સંપૂર્ણ આત્મવિશ્વાસ સાથે તમારી ક્ષમતા પ્રમાણે કામ કરો. જમીનને લગતી ખરીદદારી કે વેચાણનું કામ પૂર્ણ થઇ શકે છે. વિદ્યાર્થીઓને કરિયરને લગતી કોઇ સમ...

    વધુ વાંચો