રસીકરણ:જિલ્લામાં 20.45% લોકોએ રસીના બંને ડોઝ લીધા

મહેસાણા જિલ્લામાં 18 વર્ષથી ઉપરની 16.68 લાખની વસ્તી પૈકી 8 ઓગસ્ટ સુધીમાં 8.72 લાખ લોકોને વેક્સિનનો પ્રથમ ડોઝ અપાઇ ચૂક્યો છે. પ્રથમ ડોઝ પૈકી 3.41 લાખ લોકોએ બીજો ડોઝ પણ લઇ લીધો છે. વેક્સિનેશનનો રેશિયો જોઇએ તો, જિલ્લાના 52.30% લોકોએ પ્રથમ ડોઝ લીધો, જે પૈકી 39.11 ટકાએ બંને બીજો ડોઝ લીધા છે. જિલ્લામાં 20.45% લોકોએ બંને ડોઝ લઇ લીધા છે. વય જૂથમાં 8 ઓગસ્ટની સ્થિતિ જોઇઅે તો, 18 થી 44 વર્ષના 10.47 લાખ પૈકી પ્રથમ ડોઝ 37.45%એ, જ્યારે બીજો ડોઝ 9.69% યુવાનોએ લીધો છે.

45 થી 59 વય જૂથમાં 4.05 લાખ પૈકી પ્રથમ ડોઝનું વેક્સિનેશન 63.71% થઇ ચૂક્યંુ છે. જ્યારે બીજા ડોઝનો રેશિયો 56.36% રહ્યો છે. તેમજ 60 વર્ષથી વધુના વય જૂથમાં 1.86 લાખ પૈકી પ્રથમ ડોઝનું વેક્સિનેશન 99.57% થઇ ચૂક્યુ છે. જ્યારે બીજા ડોઝનો રેશિયો 70.68% રહ્યો છે. ઉલ્લેખનીય છે કે, જિલ્લામાં સરેરાશ 20.45% વસ્તીને બંને ડોઝ અપાઇ ચૂક્યા છે. વય જૂથ પ્રમાણે બંને ડોઝ પુરા થયાની સ્થિતિ જોઇઅે તો, 18 થી 44 વર્ષના વય જૂથમાં 3.63%, 45 થી 59 વર્ષના વય જૂથમાં 35.90% અને 60 વર્ષથી વધુના વય જૂથમાં 70.38% નો રહ્યો છે.

​​​​​​​