કોરોનાસંક્રમણ:ઊંઝામાં એક જ દિવસમાં 10 સહિત જિલ્લામાં કોરોનાના 17 કેસ

મંગળવારે ઊંઝામાં એક જ દિવસમાં 10 સહિત જિલ્લામાં નવા 17 કોરોના કેસ આવ્યા હતા. જેમાં મહેસાણા-4, વિજાપુર-2 અને કડીમાં 1 સંક્રમિત દર્દીને આઇસોલેટ કરાયો છે. ઊંઝાની તુલસીનગર સોસાયટીમાં 16 વર્ષની કિશોરી સહિત 3 વ્યક્તિનો રિપોર્ટ પોઝિટિવ આવ્યો હતો. આરોગ્ય વિભાગે મંગળવારે કોરોનાના લક્ષણો ધરાવતા 453 દર્દીઓના સેમ્પલ લઇને પરીક્ષણ માટે મોકલી આપ્યા છે ત્યારે 33 દર્દીઓ સ્વસ્થ થતાં તેમને રજા અપાઇ છે. 226 દર્દીઓ હાલ સારવાર લઇ રહ્યા છે. નવા આવેલા પોઝિટિવ 17 કેસોમાં 10 મહિલા છે, જ્યારે 60થી વધુ ઉંમરના 5 દર્દીઓ આઇસોલેટ કરાયા છે.