કોરોનોમુક્ત:મોડાસામાંથી 22 દર્દીઓએ કોરોનાને હરાવતાં રજા અપાઇ

આરોગ્ય તંત્રની સઘન સારવારથી મોડાસાની કોવિડ હોસ્પિટલમાંથી વધુ 22 લોકોએ કોરોનાને મ્હાત આપતા જિલ્લામાં 41 લોકો કોરોનોમુક્ત બન્યા છે.  આ અંગે વિગત આપતા જિલ્લા આરોગ્ય અધિકારી ડૉ. આશિષ નાયકે જણાવ્યું કે, ગુરૂવારે મોડાસાની સાર્વજનિક હોસ્પિટલમાંથી 22 કોરોના પોઝિટવ દર્દીઓ સાજા થતા રજા આપવામાં આવી હતી. જિલ્લામાં કુલ 41 લોકોએ કોરાનાને મ્હાત આપી છે.  સાજા થયેલા મોડાસાના ટીંટોઇના લક્ષ્મીબેન વણકર જણાવે છે કે, આરોગ્ય તંત્રની સારસંભાળ અને વિશેષ કાળજીથી આજે મને નવજીવન મળ્યું છે. અહીં હોસ્પિટલામાં જમવાથી માંડી તેની સ્વચ્છતાની ખાસ તકેદારી રખાય છે.વળી અમને આરોગ્યના કર્મીઓ તાળીઓથી સન્માન આપે તે મારા માટે ગૌરવની ક્ષણ સમાન હતી. કોરોનાને હરાવનાર મોડાસાના ઇમરાન ગુજરાતીએ જણાવ્યું કે કોરોનાથી ડરવાની જરૂર નથી પણ તેનાથી સાવચેતી રાખવાની ખાસ જરૂર છે. તેમણે લોકોને વારંવાર હાથ ધોવા,માસ્ક પહેરવા અપીલ કરી હતી. જિલ્લામાં 41 લોકો કોરોનોમુક્ત બન્યા છે.