સારવાર:અરવલ્લી જિલ્લામાં 170 મહિલા નર્સ કોરોના વોરિયર્સ તરીકે ફરજ બજાવે છે

અરવલ્લી જિલ્લાની 170 થી વધુ સ્ટાફ નર્સ બહેનો કોવિડ હોસ્પિટલ, સામૂહિક, પ્રાથમિક, સબ સેન્ટર ખાતે ફરજ બજાવી રહી છે તો વળી સમગ્ર જિલ્લામાં કોરોના વાયરસના 77 થી વધુ કેસ નોંધાયા છે. ત્યારે જિલ્લામાં મોડાસાની સાર્વજનિક અને બાયડના વાત્રક ખાતે કોવિડ હોસ્પિટલ ઉભી કરાઇ છે. જયાં આ બંને હોસ્પિટલમાં સારવાર લઇ રહેલા દર્દીઓને પોતાના સ્વજનની જેમ સારવાર કરે છે. કોવિડ હોસ્પિટલમાં સેવારત સ્ટાફ નર્સ કહે છે કે અહીં નાની ઉમરથી લઇ મોટી ઉમરના  દર્દીઓ કોરોનાની સારવાર માટે આવે છે. ત્યારે તેમની સાથે તેમને પોતાના પરિવાર જેવુ વર્તન કરાય છે.અમે ભલે અમારા પરિવારને મળી શકતા ન હોઇએ પણ આ દર્દીઓને જ અમે અમારા પરીવાર માનીને સેવા કરીએ છીએ.