આરોગ્ય:અરવલ્લીના કોરોના અસરગ્રસ્ત 35 ગામોમાં સેનટાઇઝેશન

અરવલ્લી જિલ્લામાં અત્યાર સુધી નોંધાયેલા કોરોનાના 77 પૈકી 50 થી વધુ કેસ ગ્રામ્ય વિસ્તારમાંથી મળી આવ્યા છે. જિલ્લામાં માલપુર તાલુકાને બાદ કરતાં તમામ તાલુકાઓમાં કોરોનાના કેસ નોંધાયા છે. જેને પાંચ તાલુકાના નિયંત્રિત વિસ્તાર હેઠળ 35થી વધુ ગામોના 14153 ઘરોના આવરી લઇ સેનેટાઇઝેશન પ્રકિયા હાથ ધરાઇ છે. જેમાં ભિલોડા તાલુકાના શિલાદ્રી ,શોભાયડા, બહ્રમપુરી, જનાલી, જનાલી ટાંડા, કરણપુ, સુનોખ ઝાબચિતરીયા, મોડાસાના ટીંટોઇ અમલાઇ, લીંભોઇ, સુરપુર, શામપુર, ખડોદા, ઢાંખરોલ અને ટીંટીસર, મેધરજના તરકવાડા, મેઘરજ, જાલમપુર, બાયડના તેનપુર, સાંઠબા, ધનસુરાના રમોસ વડાગામ સહિતના ગામોના 73668 લોકોના આરોગ્યની દરકાર માટે સમગ્ર ગામોને સેનેટાઇઝ કરાયા હતા.