લોકોમાં ડર:બલાસર નર્મદા કેનાલના એપ્રોચ રોડ પરથી પીપીઈ કીટ મળી

કડીના દેત્રોજ રોડ સ્થિત બલાસર નર્મદા કેનાલ નજીકથી પીપીઈ કીટ મળી આવી હતી. કોઈ અજાણ્યા શખ્સો પીપીઈ કીટ ફેંકી ગયા હોઈ સ્થાનિકોમાં રોષ ફેલાયો હતો. કડી શહેરના દેત્રોજ રોડ સ્થિત બલાસર નજીક પસાર થતી નર્મદા કેનાલના એપ્રોચ રોડની બાજુમાં અજાણ્યા શખ્સો પીપીઈ કીટ નાખીને જતા રહેતાં વિસ્તારના લોકોમાં રોષ ભભૂકી ઊઠ્યો હતો.

બાયો મેડિકલ વેસ્ટ મામલે કડીની રિધમ હોસ્પિટલના સંચાલકો ધાબામાં પીપીઈ કીટ સહિતનો બાયો મેડિકલ વેસ્ટ સળગાવવાનો મામલો હજુ ઉભો છે, ત્યાં દેત્રોજ રોડ પરથી પીપીઈ કીટ મળી આવતાં મામલો ચર્ચાનો વિષય બન્યો છે.