કાર્યક્રમ:નાનીકડીમાં એસપીજીના રાજ્યના સક્રિય કાર્યકરોનું સંમેલન યોજાયું

કડી6 મહિનો પહેલા
  • કૉપી લિંક
  • હવેનો સમય તલવારથી નહીં પણ કલમથી લડવાનો છે : લાલજી પટેલ

કોરોનાકાળમાં ઓનલાઈન શિક્ષણ થકી આજનો યુવાવર્ગ સોશિયલ મીડિયાના રવાડે અવળાપાટે ચઢી ગયો છે. જેમાં દીકરા- દીકરીઓને ભાગી ભગાડી જવાની સમસ્યાથી વાલીઓ પરેશાન છે, માટે સમાજે સંગઠીત રહેવું પડશે. સંગઠીત સમાજમાં સારા કાર્યો થતાં જ હોય છે તેમ નાનીકડી ખાતે સરદાર પટેલ સેવાદળના રાષ્ટ્રીય અધ્યક્ષ લાલજીભાઈ પટેલે જણાવ્યું હતું.

આ પ્રસંગે અધ્યક્ષ લાલજી પટેલે જય મા ઉમા ખોડલ અને જય સરદારના નારા સાથે આજના યુવાઓને સંબોધન કરતાં જણાવ્યું કે, એસપીજી વિશ્વનું સૌથી મોટું પારિવારિક સંગઠન છે. જેમાં વધુમાં વધુ લોકો જોડાશે તો સમાજના લોકોને વધુ મદદરૂપ બની શકીશું. કોઈપણ આકસ્મિક જરૂરિયાત સામે સેવાદળ હંમેશા તત્પર રહે છે. આવનારો સમય આનાથી પણ વધુ ખરાબ આવવાનો છે ત્યારે તલવારથી નહીં પણ કલમથી લડતા શીખો.

તેમણે સુરતમાં એકતરફી પ્રેમમાં પાગલ યુવાને યુવતીને જાહેરમાં રહેંસી નાખવાની ઘટનાને વખોડી હતી. આ પ્રસંગે કડી તાલુકા 27 સમાજ સરદાર યુવક મંડળના ચીફ એડવાઈઝર મુકેશ પટેલ (મેસ્કોટ ઈન્ડસ્ટ્રીયલ પાર્ક), કડી સરદાર પટેલ સેવાદળના પ્રમુખ સતીષ કે.પટેલ, આશીષ પટેલ સહિત અગ્રણીઓ હાજર રહ્યા હતા.

અન્ય સમાચારો પણ છે...