છુટછાટ:10 દિવસમાં 3974 લોકોનું જિલ્લામાં આગમન તમામને 14 દિવસ હોમ કોરન્ટાઇન કરાયા

સાબરકાંઠા જિલ્લામાં કોરોના સંક્રમણને ફેલાતુ અટકાવવા બહારના જિલ્લામાંથી પ્રવેશ ઉપર પ્રતિબંધ લદાયો હતો ત્યારે રાજ્ય સરકાર અને કેન્દ્ર સરકાર દ્વારા લોકડાઉનમાં આપવામાં આવેલી છુટછાટને પગલે અન્ય જિલ્લામાં રહેતા જિલ્લાના 3974 નાગરીકો પોતાના વતન પાછા ફર્યા છે. કોરોના મહામારીના કારણે લોકડાઉન 40 દિવસ લોકડાઉન અમલી બન્યા બાદ ત્રીજા તબક્કાના લોકડાઉનમાં જે નાગરીકો પોતાના વતન પરત જવા માંગતા હોય તેમને આરોગ્ય ચકાસણી બાદ જેતે વિસ્તારમાંથી પોતાના વતન જવા માટે પાસ આપવાનું શરૂ કરાતા દસેક દિવસમાં રાજ્યના અન્ય જિલ્લામાં વસતા 3974 લોકો પોતાના ગામા પરત ફર્યા છે. આ તમામ લોકોના જિલ્લામાં આવ્યા બાદ આરોગ્ય વિભાગ દ્વારા આરોગ્ય ચકાસણી કરી 14 દિવસ માટે હોમ કોરન્ટાઇન કરાયા છે.