રાહત:હિંમતનગરમાંથી 2 દર્દીઓએ કોરોનાને હરાવતાં રજા અપાઇ

હિંમતનગર સિવિલ હોસ્પિટલમાં કોરોના પોઝિટિવ સાંપડ અને ઇડરની બે મહિલાઓને ગુરુવારે સારવારને અંતે રજા અપાઇ હતી તબીબો અને પેરામેડિકલ સ્ટાફે તાળીઓના ગડગડાટથી તેમની હિંમત વધારી અભિનંદન આપ્યા હતા.   પ્રાંતિજ તાલુકાના સાંપડ ગામના કોરોના પોઝિટિવ યુવકની પત્ની તેજલબેન લાલાભાઇ રાવળ ઉ.વ. 32 અને ઇડરના આશાબેન જયંતિભાઈ આદિવાસી ઉ.વ.30 નું તા.05-05-20 ના રોજ સેમ્પલ લેવાયા બાદ કોરોના પોઝિટિવ રિપોર્ટ આવતા બંનેને હિંમતનગર સિવિલમાં એડમિટ કરી સારવાર શરૂ કરાઇ હતી. આર.એમ.ઓ. ડૉ. એન. એમ. શાહે જણાવ્યું કે છેલ્લા ચાર દિવસથી બંનેને કોઇ પણ પ્રકારના લક્ષણો ન જણાતાં તા.14-05-20 ના રોજ સાંજે ચાર ટ્રીપલ લેયર માસ્ક, સેનેટાઈઝર બોટલ આપી ઘેર પહોંચી પોતાને કેવી રીતે હોમ ક્વોરન્ટાઇન કરવા અને પડોશી તથા પરિવારજનો સાથે કેવી રીતે વર્તવું તેની સમજ પણ આપી હતી.