અટકાયત:ડીસાથી વધુ 700 પરપ્રાંતિયો વતન જવા રવાના

લોકડાઉનમાં અટવાયેલા ઉત્તર પ્રદેશના શ્રમિકો છેલ્લા બે માસથી ડીસામાં અટવાયા છે. ત્યારે પરપ્રાંતીયને વતન પહોચાડવા માટે ઓનલાઇન નોધણી સહિતની કામગીરી પૂર્ણ થતાં બુધવારે 467 મુસાફરો અને ગુરૂવારે બીજી ટ્રેન કન્ફર્મ થતાં ડીસા મામલતદાર કચેરી ખાતેથી 20 બસ દ્વારા 700 જેટલા મુસાફરોને પાલનપુર રેલવે સ્ટેશન ખાતે મોકલ્યાં હતાં. ડીસાના પ્રાંત અધિકારી એચ.એન.પટેલ, ડીસા ગ્રામ્ય મામલતદાર એ.જે.પારઘી, શહેર મામલતદાર ડી.વી.વણકર,નાયબ મામલતદાર બાબુભાઇ જોષી, ધનજીભાઈ જોષી અને ડી.પી.ઝાલા દ્વારા યુપી જનાર તમામ પરપ્રાંતિયને ફુડ પેકેટ અને પાણીની બોટલ આપી હતી.